十大神級理論 游蕙禎「做愛論」最多人搜尋
[2016.12.19] 發表
【明報專訊】唔少人鍾意邊睇政治新聞邊食花生，雅虎香港噚日公布十大「搜尋神級理論」，被取消立法會議員資格嘅游蕙禎，其「扑嘢論」就排首位。話說今年10月佢出席大學論壇，討論緊社會空間唔夠時，突然講咗句「就算我哋要扑嘢(做愛)，我哋都搵唔到房去扑」，引起網民熱烈討論。而游蕙禎嘅圖片，就成為娛樂圈以外人物被搜尋次數之首！
講番神級理論榜，特首梁振英(CY)都唔輸蝕，佢嘅「午飯游水論」排第二位，佢當時提出喺中環興建泳棚，打工仔午飯之後可以去游水，唔少打工仔立即話佢「離地」，因為排隊食飯都唔夠時間，何况游水呢？特首夫人梁唐青儀嘅「種菜論」亦令人驚訝，佢話自己平日會喺禮賓府內種菜，建議市民都喺屋企種菜。
呢個年代做學生唔簡單，有人認為「贏在起跑線」都未夠，有屯門媽媽早前接受電視台節目訪問時，仲話要「贏在射精前」，所以呢個「神級理論」亦躋身第四位。
十大本地及國際十大新聞，2016年立法會選舉就排榜首，其次係英國公投脫歐，而歌手何韻詩同Lancome演唱會風波就排第三。至於最多人搜尋娛圈以外人物圖片，游蕙禎嘅相就最多人搵，緊隨其後嘅係公民黨立法會議員楊岳橋，香港拳王曹星如排第三。
更多港聞
【明報專訊】青年新政梁頌恆及游蕙禎早前被法庭裁定喪失立法會議席，因此立法會秘書處向二人發信，要求佢哋要退還全部已獲發嘅議員酬金及預支營運資金...
詳情
團體倡津貼基層買電腦 助電子學習 免「輸在起跑線」
【明報專訊】有關注基層家庭組織指出，本港是競爭型社會，基層兒童因無錢上興趣班、補習班及買電腦，往往「輸在起跑線」，未能躋身好學校脫離跨代貧窮... 詳情
【明報專訊】大嶼山佛教筏可紀念中學日前為40周年校慶舉行師生接力跑40小時，全校約370名師生合共跑或步行逾4000公里，校長惲福龍計劃其後...
詳情
相關新聞
