【明報專訊】亞洲建築師協會大會噚日喺會展揭幕，Emily知道大會首次喺香港舉行，並由香港建築師學會主辦，噚日同今日都會舉辦唔少論壇，雲集咗來自約19個國家同地區、超過500個建築業界嘅代表。 今年大會主題係「增長與多樣性：亞洲的綠色時代」，特首梁振英(CY)致辭時話，目標喺2025年前將本港用電量減少4%，又希望未來4年內政府建築先帶頭減少5%用電量，長遠幫香港建造智慧、綠色同可持續環境。 曾任建築師學會會長嘅副房屋署長馮宜萱就喺下晝演講，話全港三成人口住緊公屋，政府起樓時都會採用綠化設計，例如自然採光等，又會用到建築信息模擬(BIM)技術，令承建商可調節唔同階段嘅工序。 今年大會邀請咗本地及國際知名建築師擔任主題演講嘉賓，包括有份設計香港國際機場嘅本地建築師徐騰，同埋專門設計辦公室同博物館嘅日本建築師山梨知彥。
|
| |
| |
