聽過「健身房魔咒」 張國鈞：唔驚
[2016.09.30] 發表
【明報專訊】立法會秘書處噚日繼續為議會新丁舉辦「雞精班」，等佢哋熟習議會事務，民建聯張國鈞(Horace)非常勤力，全日都有上堂，佢話秘書處今日仲會有「鴨仔團」，帶新議員行勻立法會大樓，包括5樓健身房。熱愛健身嘅Horace笑言，有人同佢講過，唔少經常去5樓健身嘅議員，最終都落選，但佢形容自己「唔驚」，會照去運動。唔通Horace已經對4年後成功連任充滿信心？
噚日嘅閉門簡介會分上、下午兩節，雖然大部分時間只得約10名新丁出席，但非建制新丁已較首日多，香港眾志羅冠聰、熱血公民鄭松泰、青年新政梁頌恆同游蕙禎等都有出現。據知，立法會秘書處上晝向新丁介紹各個事務委員會同公共關係資訊；行政署、律政司同財經事務及庫務局，下晝分別講解政府跨部門工作同編排立法會議程、法律草擬，同公共財政。
Horace話自己從簡介會學到嘢，因為新丁好多時對議會運作一頭霧水，「樣樣都唔知發生咩事」，但簡介會就提供到資料畀新丁返去鑽研。佢話自己暫時只認識大樓個別樓層，所以今日會參加鴨仔團，了解吓其他設施。
更多港聞
下月底創科嘉年華 中二生發明「樹膠布」助樹木殺菌
【明報專訊】10月14號至12月3號係政府舉辦嘅「創新科技月」，創新科技署噚日簡介當中重頭戲「創新科技嘉年華2016」，嘉年華會係10月29... 詳情
【明報專訊】民建聯獲得民政事務局轄下公民教育委員會資助，舉辦「一帶一路」俄羅斯8日交流團，團費只需3000元，民建聯副秘書長葉傲冬噚日喺商台...
詳情
【明報專訊】亞洲建築師協會大會噚日喺會展揭幕，Emily知道大會首次喺香港舉行，並由香港建築師學會主辦，噚日同今日都會舉辦唔少論壇，雲集咗來...
詳情
【明報專訊】教育局昨舉辦簡介會，向教師講解初中中史科課程指引的修訂建議。據了解，有教師質疑新課程強調歷朝盛世、民族融和部分，減省國家衰亡、起...
詳情
相關新聞
