登《時代》封面 曾鈺成稱死亡之吻
[2016.09.08] 發表
【明報專訊】被視為下屆特首熱門人選之一嘅立法會主席曾鈺成，早前登上《時代》雜誌亞洲版封面，仲被形容為「香港希望」。面對咁大頂高帽，曾鈺成噚日出席民主黨劉慧卿網台節目時，就笑言呢個係「死亡之吻」，仲話如果視佢為希望，就一定會失望。雖然佢早前話，若下屆特首選舉無競爭就會考慮出選，不過佢就再度重申自己年近70，做特首體力消耗大，「驚頂唔順」。
曾鈺成接受網媒《香港01》專訪時，則提到下屆特首最需要做嘅3件頭等大事，都係有關政改，包括重啟政改程序，營造社會氣氛令政改通過，以及爭取三分之二議員支持通過。佢更指政改比23條更重要，直言「政改做唔到，管治問題就無法解決，23條反正都拖咗咁耐」。
更多港聞
【明報專訊】人稱「小麗老師」嘅劉小麗喺立選獲超過3.8萬票，取得九龍西議席，佢本身係理大專上學院講師，近日有網民喺facebook上載一張佢...
詳情
200幼園加學費逾一成 本學年758間獲准加 平均6.2%
【明報專訊】教育局更新幼稚園本學年學費，根據本報計算，約200間幼園學費較去年增加10%或以上，當中約20間加20%或以上，有幼園更加費約4... 詳情相關新聞
