衛生署防愛滋片選角 家燕媽媽受男同志歡迎

薛家燕

衛生署早前拍攝網上短片《HeHe講呢啲》呼籲男同志預防愛滋病，事先仲問咗一班男同志有乜心水主角人選，結果薛家燕係大熱對象，不過最後都係揀咗兩個「猛男」model。（短片截圖）

【明報專訊】為迎合網上世界，政府嘅宣傳短片都要花樣百出，衛生署早前就拍咗3集名為《HeHe講呢啲》嘅短片，呼籲男同志要預防感染愛滋病，拍之前仲事先問一班男同志有咩心水主角，起初嘅大熱對象竟然係人稱「家燕媽媽」嘅薛家燕，不過最後都揀兩個男模做主角。

近年男男染愛滋年輕化

衛生署高級醫生(特別預防計劃)舒寶兒話，近年經男男性接觸感染愛滋嘅人愈來愈年輕，舊年20至29歲群組有180個感染者，比2013年嘅103人多七成半，相信主要原因係年輕人對愛滋病認知較低。

衛生署2014年起就同社區組織合作籌備網上短片加強宣傳，仲喺焦點小組(focus group)同唔同組織問咗40幾個男同志有咩心水主角人選，結果大部分男同志嘅答案係「家燕媽媽」，原因係佢形象好，如果由佢做呼籲會聽入耳喎。不過，當佢哋知道可以選男人做主角之後，最終敲定搵咗兩個男模。

網上短片宣傳見效

呢套《HeHe講呢啲》去年起播出，以「偽煮食」節目形式講解安全套保護作用、毒品禍害同埋愛滋測試服務，喺YouTube上都有幾萬點擊率。舒醫生話，舊年嘅測試率有提高，相信網上宣傳有成效。

更多港聞

英國前駐緬大使接任駐港總領事

【明報專訊】英國駐香港及澳門總領事吳若蘭即將卸任，英方尋日公布，將會由做過駐緬甸大使嘅賀恩德（Andrew Richard Heyn）接手，... 詳情

黃國健扮大夫「把脈」拉票 向長工時「對症下藥」

【明報專訊】競逐連任九龍東議席嘅工聯會黃國健（KK），上屆選舉曾經「cosplay」扮日本動漫人物宣傳，最終順利當選。今年KK繼續發揮創意，... 詳情

撤回網絡23條功勞屬誰 鍵盤戰線陳雲掀罵戰

【明報專訊】唔少政治人物會透過公布「成功爭取」，話畀市民知佢有乜政績。參選立法會新界東直選嘅陳雲（陳云根）最近就向選民寄出宣傳單張，當中竟然... 詳情

張華峰高溫落區派傳單 半個鐘派十幾張

【明報專訊】今年競逐連任金融服務界、上屆立會選舉僅以6票險勝嘅經民聯張華峰，噚日中午冒住30幾度高溫，喺中環交易廣場附近派傳單拉票。張華峰今... 詳情

溥儀展覽曬冷眼鏡婚服囚衣

【明報專訊】一講起末代皇帝溥儀，大家一定記得佢嗰副圓框金絲眼鏡，除咗有個崇洋故事，佢嘅人生其實都係一個難得嘅傳奇。康文署同吉林省文物局就聯合... 詳情