【明報專訊】天王劉德華有份投資、監製及主演的電影鉅製警匪片《拆彈專家》，製作費高達1億8千萬元。起用了離巢無綫的靚仔小生吳卓羲(Ron)參與主演，Ron揚言初踏影壇就能伙拍華仔，是個好好的學習機會，不會計較片酬，華仔即開玩笑：「他不計，我就打算不給酬勞！」而昨日30度高溫下，華仔於戶外著住70磅防爆衣拍攝亦無怨言。

記者：鍾一虹 攝影：鍾偉茵

劉德華、吳卓羲、姜皓文(黑仔)和導演邱禮濤合作的電影《拆彈專家》，昨日於灣仔一個戶外花園取景，拍攝一場處理炸彈案，扮演拆彈專家的華仔，在拍檔Ron協助下穿上防爆衣，並走近一個類同波士頓馬拉松賽中裝有土製炸彈的壓力煲，將之移到防爆箱內，現場除加入數十名飾演警察、消防的演員，還擺放警車和消防車，而劇組為求逼真，更仿照製作了一架處理爆炸品的機械車，並請來現役「爆炸品處理課警員」協助，非常大陣仗。有份參演該片的蔡瀚億、張繼聰和投資者寰宇電影老闆林小明也現身支持。

「好彩件衫除得快」 無熱到瘦

華仔、Ron和黑仔一起受訪時表示，在炎夏穿厚制服在戶外拍戲，感到非常熱，Ron尤其戥華仔著70磅防爆衣演出辛苦，華仔說：「著住防爆衣，好似拍《大隻佬》著肌肉衫，好彩呢件衫除得快。」問到有無熱到變瘦，華仔搞笑：「無，我有增磅，黑仔好瘦，我是fit。」Ron說：「相比之下，我是fat。」華仔戲中被眾男演員包圍，但他稱其實與宋佳將有感情線。

講到今次起用靚仔小生Ron，華仔說：「他可以將部戲搞得後生一點，他是導演揀的，我當然舉腳贊成啦！」華仔指Ron背學術性對白好辛苦，大讚對方做獨腳戲表現幾好。Ron有無他的影子？華仔笑說：「佢靚仔，我都靚仔，但我靚仔過！。」

Ron初踏影壇賣口乖不計酬勞

Ron直言首天開工心情緊張：「華仔好有耐性教新人，什麼都講，我當然趁機來學習，不過我拍攝時，華哥蹺住手在旁邊睇，我好大壓力。」拍電影是否比拍劇高酬勞？Ron賣口乖：「第一部電影就同華哥拍，酬勞不會太計較。」華仔聞言即開玩笑：「來學東西，他不計，我就唔畀啦，哈哈哈！我都要畀錢先有得拍戲。」華仔透露正搭建紅隧主景價值不菲，也有大型爆炸場面，但不擔心安全，因為現代拍戲好小心，也可加入特技。而有報道Ron以私人保母車運載國產新歡回家，他否認：「不講太多，朋友來的，再搞下去無朋友做。」

■更多娛樂猛料 ﹕ol.mingpao.com