【明報專訊】海洋公園早前聯同華懋集團舉辦「動物保育及家庭遊樂日」，邀請1.1萬個來自低收入家庭嘅人喺今年首5個月免費到海洋公園，又招募咗退休人士任義工導賞員，向遊客講解動物保育知識，其中包括退休中學副校長羅榮新。

羅榮新話，估唔到做義工都要過五關斬六將，要先寫3篇文講點解想做義工，爭取面試機會，面試時又要用兩文三語答問題，之後要再參加兩至三日嘅培訓課程，消化60頁有關各種動物嘅資料，先可勝任導賞員。

羅榮新話，參加計劃令佢對大熊貓嘅起居生活瞭如指掌，知道大熊貓點樣運用6隻手指食竹葉，又知佢哋每日3點都要瞓晏覺。可以同遊客分享呢啲冷知識，令佢感到滿足，導賞計劃雖然喺噚日完結，佢希望將來有機會都可以繼續參加，同埋呼籲其他退休人士一齊參與。