總領事玉成 民主黨下月拉隊去東京
[2016.05.31] 發表
【明報專訊】民主黨主席劉慧卿(卿姐)上星期五同日本駐港總領事松田邦紀見面，其間提到自己想訪日，結果對方安排卿姐、副主席羅健熙同4名年輕黨員，下月到訪東京5日，由民主黨自資。民主黨今次訪日行程非常豐富，除約咗當地外交部官員同前駐港總領事食飯之外，亦會參觀工廠，了解當地大企業最新科研技術，又會同交通部門交流，睇吓當地點管理地下鐵路同巴士。
除咗訪日，唔少人都關心無回鄉證嘅卿姐嚟緊有無機會返內地。全國人大委員長張德江早前訪港舉行小範圍酒會，對於唔少泛民議員現時無回鄉證，據聞張德江回應話「問題總會解決」；不過，對於日後若獲邀北上，卿姐話如果唔能夠自由進出內地，只係獲發一次過回鄉證，佢就唔會上去喇。
更多港聞
【明報專訊】救世軍深宵外展青少年服務進行有關青少年抉擇能力的調查，除發現夜青整體的自我控制能力不俗外，同時發現與父母相處愈好的青少年，在情緒...
詳情
【明報專訊】有人說，在金錢掛帥的香港，發展藝術很難；亦有人說，在租金昂貴的香港，做保育很難。當兩者融合在一起，是否難上加難？校記林波穎早前趁...
詳情
相關新聞
