【明報專訊】政治立場迥異可令家庭關係撕裂，65歲的港大醫學院公共衛生學院社會醫學講座教授林大慶寄語，家庭切忌因政見不同而撕裂，「政治取向係會改變」 ，家人則屬「永遠」，彼此「傾得掂就傾，傾唔掂咪一齊做大家開心鍾意做嘅嘢」，認為「𠵱家係講愛情呀嘛、親情呀嘛」。 如無共識 改齊做開心事 重視家庭的林大慶近年積極推動家庭健康與和諧，在他眼中，這條路仍漫長，如社會出現很多矛盾的政治議題，會是一項挑戰。他稱自己與家人政見分歧不大，亦少談政治，但若有家庭因政見不同而撕裂「係好令人傷心嘅事」，這樣「對任何人都無好處」。 那麼面對政治議題，是否避而不談？林大慶說，家人當然可以客觀理性討論事件，但應認清家人是最重要，「無論你政治取向點樣唔同都好 ，佢都係你父母、佢都係你仔女，呢啲係幾十年一路建立，亦都係永遠」，相反政治取向會隨時改變，「不同時期、不同環境、不同議題，大家都可以有唔同睇法」。他稱若彼此無法達成共識，則可改為「一齊做大家開心鍾意做嘅嘢」，例如一起做運動、健康飲食等。
|
| |
| |
