【明報專訊】袁詠儀(靚靚)昨日以顧問身分到中環出席「點滴善心珠寶慈善拍賣」發布會，與名模姚書軼(Mikki)一起示範拍賣珠寶，其中靚靚所戴的碧璽配鑽石頸鏈估價380萬，靚靚表示不會加入競投爭奪：「價錢少個零我就會投！不過今次希望價高者得，籌更多錢幫山區找水源和起學校。我平時買首飾，不敢揀誇張款式，見別人戴會雍容華貴，自己周身郁，戴到歪晒。」 財產傳下一代要睇囝囝新抱表現 談到有無收過老公張智霖(ChiLam)送珠寶，靚靚大爆要費盡唇舌多年，才討得過百萬珠寶禮物，她笑說：「手表、鑽石都會送，因為他覺得保值，不過我要向他明示、暗示好多年，念『大悲咒』，他聽到我誦了多年經，近年才送。」問她當年產子有無收珠寶？靚靚說：「我問為他傳宗接代有無禮物，他說已經送了個仔畀我，覺得我不需要這些，生仔這理由無再講，後來我說偶爾要有珠寶傍身，對着他要見招拆招。」 靚靚直言將來要觀察兒子或媳婦的表現，才決定自己的財產會不會傳給下一代：「睇吓我個仔乖唔乖，新抱對我個仔好唔好，乖就留，唔乖就賣掉值錢東西做善事或者環遊世界，唔想個仔心態覺得我一定留給他。」 姚書軼恨有男友送珠寶 想公開徵婚 Mikki戴上多件巨型鑽飾，愛不釋手，她說：「我不知幾想競投，但見到價錢有這麽多個零就頭暈，就算幾十萬對於我來講都好多錢。」她坦言在工作上多機會接觸珍品，對一般珠寶看不上眼，並說：「見得多，會知哪些無升值價值，所以自己都會儲錢買些保值的珠寶。」她笑稱恨有男友送珠寶，可惜未找到合適對象，想公開徵婚。 記者：鍾一虹 攝影：鍾偉茵 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
;){kind=small}
