【明報專訊】獲補發請柬 卿姐質疑「女士」稱呼 全國人大委員長張德江噚晚同立法會議員見面，唔少獲邀出席嘅議員都盛裝打扮，如自由黨主席鍾國斌打鮮紅色呔，非常搶眼，行會成員兼新民黨主席葉劉淑儀就著紅色連身裙配珍珠首飾。工黨何秀蘭亦戴咗條「珍貴」頸鏈去見張德江，係一個寫有「撐」字嘅金色雨傘吊墜，被問到怕唔怕因為個吊墜而入唔到場，何秀蘭話無有怕。公民黨黨魁梁家傑就打黃呔、用黃色袋巾。 民主黨主席劉慧卿之前大頭蝦遺失酒會邀請函，特首辦喺酒會前補發邀請函去佢辦公室。官員咁有效率幫手，但卿姐依然唔客氣，並質疑點解請柬信封稱呼佢做女士，而唔係議員，質疑特區政府係咪唔敢突出佢嘅議員身分，指一般公函會寫「議員」。特首辦回應話，特首辦主任邱騰華上周親自轉交畀議員嘅請柬，都係以「立法會議員某某先生/女士」稱呼。 日前喺海外嘅工聯會陳婉嫻趕返港出席酒會，佢著咗一條黑裙配桃紅色外套。平日少著西裝嘅工聯會黃國健噚晚為出席晚宴特別打呔，但件西裝外套就係比較casual嘅款式。
|
| |
| |
;){kind=small}
