【明報專訊】nowTV推「歐國盃•美洲盃通行證」，球迷反應一般。球迷陳先生說，若有時間收看全部賽事直播，通行證「算幾抵」，平均每場賽事不需10元；惟若計算時差，歐洲國家盃賽事大多在香港時間深夜舉行，美洲國家盃則在清晨，對「打工仔」而言「有挑戰」，「除非唔使做，咁就有機會睇得晒」。他現時非now客戶，主要上網「睇波」，估計到時只能收看約20場賽事，加上不想被合約「綁死」，不打算為兩個盃賽簽約。捧意大利國家隊的Patrick則預計只看3場歐國盃賽事，「唔值畀七舊」，屆時會視乎賽程，到酒吧收看賽事。

大賽期間酒吧生意增兩成

每逢有大賽，均是餐飲業及酒吧業吸客良機。餐飲聯業協會會長黃家和稱，個別場次能吸多少客，視乎對賽隊伍及比賽時間，整體而言，世界盃及歐國盃等大賽期間，酒吧生意額會增加兩成至三成。另有茶餐廳會調整營業時間「開夜�齱v或提供優惠，一樣有捧場客。

銀龍飲食集團營運總監鄧秉雄說，以往未有太多渠道收看球賽，額外收入較高；現時大賽效應已減，但為回饋熟客，仍會續播大小足球賽事，「唔飲酒�麉�，咪會落茶餐廳感受�黈薵^」。他補充，逢有大賽均設最低消費，若賽事「戲碼」強，例如昨日和今日凌晨的歐聯四強賽事每位收70至80元，生意亦會較好，昨日接近凌晨3時才「開波」，旺角通菜街分店仍吸引約50名球迷捧場。