添丁1月 陳恒鑌瘦5磅

[2016.04.21] 發表

【明報專訊】繼工聯會立法會議員郭偉強榮升老竇後，民建聯議員陳恒鑌(Ben)早前亦添丁，加埋6歲女兒湊成一個好字。噚日Ben喺立法會向一眾議員同傳媒大派薑醋，初生BB似乎搞到阿Ben幾辛苦，佢話阿仔出世近一個月，佢已經瘦咗5磅，對眼仲細咗，皆因夜晚要餵奶、換片等，無覺好瞓。

阿仔頻頻請「飲茶」

阿Ben話大女出世時大部分時間都係食同瞓，所以當時唔算湊得好辛苦，但現時細仔不時要換片，仲幾乎隔日幫阿仔換片時，阿仔就請佢「飲茶」，搞到佢一身濕晒。

雖然已經湊成一個好字，但經民聯議員林健鋒就鼓勵阿Ben繼續努力，叫佢生夠一隊足球隊，即係11個小朋友喎，阿Ben聽到呢句說話反應甚大，直言「一個老婆點生一隊足球隊呀？」

更多港聞

【明報專訊】來自美國嘅雲端製圖平台ArcGIS Online由今年起免費開放畀香港同澳門中小學使用，至今已有62間中學同11間小學用緊呢個平... 詳情

【明報專訊】社民連議員梁國雄（長毛）成日帶唔同花款道具示威，不過有時玩得太過火都要付出金錢代價。長毛上個月喺財會審議高鐵追加撥款期間，因不滿... 詳情

【明報專訊】立法會近年「拉布」成風，泛民花樣百出，喺早前拉倒俗稱「網絡23條」嘅版權條例可謂「成功例子」。面對「拉布」經常發生，可能建制派唔... 詳情

【明報專訊】門柄上有數以千萬計細菌，人接觸後容易傳染或感染細菌病毒。中華基督教會譚李麗芬紀念中學中五生黃深銘及畢業生李鍵邦，憑作品「自潔門柄... 詳情

【明報專訊】（請看附圖）詳情