爾冬陞：不信有白色恐怖 憂政治綁架金像獎
【明報專訊】《十年》獲頒金像獎最佳電影的爭議沸沸揚揚，爾冬陞台上的「恐懼論」亦被外界不同解讀。他昨午接受本報電話訪問時強調，不相信電影界會出現白色恐怖，外界實在過於擔心，希望大家明白「最應恐懼的就係恐懼本身」的真義，不應過分解讀。他說個人認為《十年》在獲獎上不達標，故對結果感到「好surprise」，認為是反映社會氣氛和投票者的情緒，擔心金像獎會受政治因素影響而變質，變相「被綁架」。
指《十年》未達標 奪獎反映社會氣氛
爾冬陞解釋，「(賽果)唔係一個好似我哋諗到好職業化、好理性、好專業下投出嚟嘅票。但電影係有佢嘅指標，(最佳電影)係一個整體嘅獎。佢(《十年》)能夠入圍，係比較情緒化。其實係拿獎嘅指標上，我個人認為係不達標」。而得獎團隊自己在台上亦承認技術不足。爾冬陞事後深思前晚台下觀眾的熱烈反應，認為《十年》得獎是社會效應，是社會氣氛令電影產生巨大迴響，亦明顯感覺到投票者背後的情緒。
他說，電影界內有不同的政治取態，但一直相安無事，惟近年才變得政治化，他擔心金像獎會變質，「呢嗰唔係單純香港電影嘅事，入面好多政治訴求，但我希望大家睇部戲嘅時候，係以電影嘅專業去睇」。
身為金像獎協會主席，他認為金像獎是對同業的肯定，反對政治和宗教介入電影作宣傳，社會都應深思昨晚的現象。「如果明年再係咁情緒化，或再有咁多呢類嘅戲，又令到佢入到圍，又令到金像獎喺(內地)轉播上出咗問題，我覺得喺呢個工業入面，可能就唔係幾好囉，覺得係呢類嘅電影綁架咗金像獎。」他強調這是他的看法，大家可以不同意；站在業界立場，是不斷推廣金像獎，讓全球華人都看到，而據粗略統計，去年和前年有了內地轉播後，點擊率達2億。
籲勿過分演繹「恐懼論」
對於前晚在台上的「恐懼論」，會否擔心因頒獎言論而被秋後算帳？爾冬陞解釋其內心想法，說「成件事講大咗」，強調自己「唔怕亦唔會」，「我諗呢個就係好多人會有嘅恐懼，我冇囉。我唔覺得會(發生)。我感覺到好多人有過度嘅憂慮……所以我先有感而發去講(「恐懼論」感言)」。
「我哋一國兩制，要理解佢(中國)嘅國情、佢嘅決定，以前(金像獎)都冇轉播啦。𠵱家只係有一班年輕人拍咗一部戲，內地唔轉播而已……唔使放大、唔使咁驚，『我們最應恐懼係恐懼嘅本身』」。
感太多人過慮 「最應恐懼係恐懼本身」
爾冬陞將於今年暑假在中港兩地上映新戲《三少爺的劍》。對於言論會否影響票房和個人發展？他輕鬆笑說，「呢啲咪就係去揣測，若你覺得有呢個可能，咪放長雙眼睇」。
爾冬陞前晚出席慶功宴時，曾表示若金像獎變得太政治化，便會辭任金像獎協會主席一職。他無奈地說﹕「其實我覺得(政治化)好煩，唔好煩我啦。如果你令到我厭惡，我就唔做啦。我只是一個拍電影的人，又一把年紀。」但他又稱，「其實又煩唔過拍一部電影嘅……但仲有兩年任期都會做埋嘅」。 他希望外界不要過分解讀他的說話，應集中注意力於金像獎本身。
明報記者
