【明報專訊】42歲嘅本港設計師馬子恒(右一)，細細個因為鍾意睇 《變形金剛》等卡通片，成為機械人迷，佢為咗完成夢想，花咗年半同超過40萬，製造出以荷李活女星為樣辦嘅機械人Mark 1(右二)，唔單止識郁手郁腳識講嘢，面部表情仲好豐富，甚至可以單眼放電𠻹。Mark 1吸引咗外媒訪問，講到未來，Mark 1話相信機械人會愈嚟愈普及，因為機械人可以代替人做好多高風險嘅工作，仲可以上山下海，幫人類探索更多未知。