中西區單身比率最高 黃大仙觀塘最陰盛陽衰

中西區單身比率最高黃大仙觀塘最陰盛陽衰

[2016.04.01] 發表

【明報專訊】統計處公布2015年人口及住戶統計資料，18區中以人口比例計，中西區從未結婚嘅單身男女比率最高，15歲及以上未婚男性達35%、女性32.6%，有趣嘅係該區離婚人口全港最少，只有5000人，即佔2.4%。

沙田人口最多有66萬人

統計處根據2015年1月至12月做嘅「綜合住戶統計調查」，編製出18區人口資料，可以算係區區有睇頭。2015年本港人口721.9萬，人口年齡中位數係42歲，沙田區人口最多，有66萬人；最少人自然係離島，有14.7萬人。

荃灣已婚比率最高

唔少人關注香港陰盛陽衰情况，睇番2015年，撇除外傭計，全港每1000名女性有923名男性，其中以黃大仙及觀塘失衡最嚴重，男性比率是904名。

不過，女性平均較男性長壽，故女人較多並非怪事。而如果想睇吓邊區較易搵到伴侶，可以參考各區嘅15歲及以上人士結婚、從未結婚、甚至離婚數字，沙田係人口大區，以數量計當然最多單身男女，但如果以比率計，荃灣區已婚比率最高63.8% ，而比率最低係黃大仙嘅52.8%，而中西區從未結婚嘅單身男女人口比例就最高。

灣仔最富貴深水埗收入最低

統計處每年都會公布18區嘅住戶收入，全港所有住戶入息中位數係2.5萬元，但分區計當然係港島富貴啲，18區中收入最高三區分別係灣仔(4.0萬元)、中西區(3.5萬元)及西貢區(3.3萬元)。收入最低倒數為深水埗(1.9萬元)、觀塘(2.0萬元)及葵青(2.06萬元)。

更多港聞