未有出街 YouTube流出 亞視宣傳片話「我要真劇集」
[2016.03.30] 發表
【明報專訊】亞洲電視終於進入倒數階段，星期六(4月2日)凌晨零時真係正式熄機，但近日YouTube出現咗幾條亞視宣傳片，內容仲好科幻，其中一條講一個樹人喺度話「我要真劇集」，最後畫面播出八字口號「全真策略 全面蛻變」。聽聞呢啲片係亞視做咗但未出街嘅宣傳片，到底亞視係咪真係有真劇集呢？呢個真係唔知喇。
有人喺上個禮拜四開始，喺YouTube上載咗4條亞視宣傳片，每條片有不同主題，最先上載嘅係「樹人篇」，片段虛擬一個樹林，入面有好多部電視，然後有個樹人話「我要真劇集」。至於「Dr Robot篇」就有個機械人，對住戲劇、新聞、體育、動漫等字眼，就話「仲有冇新D？」。各條宣傳片都有簡介說明是「4/3被擱置的第二階段的全新亞視OTT宣傳系列」。
亞視熄機之後係咪仲有新搞作，真係要拭目以待，但佢個免費電視牌得番幾日，相信幾難喺大氣電波播真劇集，聽聞連原本話熄機前一晚要播亞姐，都無晒聲氣，睇怕亞視要喺重播節目中結束59年嘅歷史。
更多港聞
【明報專訊】泛民及建制政黨，近日都積極為9月立法會選舉催谷選民登記，公民黨就為此整咗百幾幅宣傳橫額，主打特首梁振英（CY）牌，叫人登記做選民...
詳情
【明報專訊】「去香港生孩子，說實話我現在很後悔」，內地《南方都市報》噚日就用呢個做標題，刊出以「雙非」兒童及家長為題嘅專題報道。報道講到，深...
詳情
【明報專訊】民協副主席譚國僑早前表示有意喺9月立法會選舉出戰九龍西，同主席莫嘉嫻撞個正着。譚國僑噚日出席傳媒聚會，話自己嚟緊喺黨內初選打嘅主...
詳情
相關新聞
