劉鳴煒獻第一次 自嘲似機械人
[2016.03.21] 發表
【明報專訊】「Package好」嘅青年事務委員會主席劉鳴煒早排應承咗協青社，喺4月16號沙田大會堂舉行嘅街舞劇入面擔任特別客串嘉賓，表演街舞。劉鳴煒話係主辦機構紀文鳳邀請佢嘅，但應承後即刻好後悔，練開鐵人賽嘅佢運動無問題，但要跳舞就唔在行，不過為咗班年輕人唯有頂硬上，處男下海。
劉鳴煒同Emily講，第一堂學跳舞時好似機械人咁生硬，手腳又唔協調，第二堂先開始放鬆排練。Emily見平時望落自信爆棚嘅劉鳴煒排舞時有啲拘謹，佢話前兩晚發夢，仲見到自己跳緊舞，覺得跳到上咗身，好大壓力。距離4月演出嘅日子仲有大半個月，唔知劉鳴煒到時憑跳舞又可以吸引多幾多個女仔讚好呢？
更多港聞
【明報專訊】北京近期對港大吹暖風，特首梁振英（CY）都緊跟風向大談和諧。佢噚日喺金鐘添馬公園主持「欣賞香港•服務香港日」開展禮，致辭時就話希...
詳情
【明報專訊】旅發局主席林建岳早前獲政府續任3年，任期去到2019年，面對訪港旅客跌，佢又有冇計呢？岳少接受馬會刊物《駿步人生》訪問時話，入場...
詳情
相關新聞
