【明報專訊】全球各地發生恐襲致人心惶惶，噚日保安局長黎棟國就喺立法會被議員問到香港嘅反恐能力，原來過去3年警方一共有146次反恐及重大事故應變演習，黎棟國話香港嘅反恐特強隊有定期實地演習，好似舊年11月保安局就策劃咗一個代號為「風閘」嘅大規模聯合反恐演習，有40幾個部門參與。 呢項質詢期間，立法會議員拉布提出點算人數幾次，令會議暫停，工業界議員林大輝發言時就話，撇除「令人窒息嘅政治爭拗」，香港好適合居住，不過佢就好關心點解當局做咗146次反恐演習，都好似唔多覺咁，仲話唔知係咪自己工作太忙，經常留喺立法會工作少出街咁話。Emily聽到都唔明，難得局長肯解釋話為免影響市民正常生活，演習大多低調，而上年11月演習雖然有唔少媒體報道，但警方事前無通知報界㗎。
|
| |
| |
