【明報專訊】內地浙江烏鎮近日舉行第二屆世界互聯網大會，國家主席習近平都有去，並喺前日演講，Emily於當地探訪時，就見到香港代表，即創科局長楊偉雄同政府資訊科技總監楊德斌。楊偉雄噚日喺一個論壇上演講，介紹香港從2001年起連續5年，互聯網最高速居全球第二，手機普及率全球第一，又講到「下一個顛覆性的全球金融科技將從香港開始」，真係豪情壯語。佢話騰訊同阿里巴巴都係由香港走出去嘅，呼籲創業者睇清香港「超級聯繫人」角色，來港創業利用呢個優勢。 Emily走近局長希望傾多兩句，但楊偉雄連連表示「不接受採訪」，只透露前日晚先到達烏鎮，未見到習主席，但噚日見到網信辦主任魯煒，但不願透露交談細節。 楊德斌就話，前日喺互聯網大會開幕上見到工信部長苗圩，話「報告一下香港情况，不是很正式的對話」，但笑謂「不夠資格」，未與當日演講嘅習近平交談。
|
| |
| |
;){kind=small}
