【明報專訊】唐英年(唐唐)喺2012年同梁振英(CY)，因為特首選舉而惡鬥，而唐唐接受《am730》訪問時就以英國諺言「The Devil I Know」嚟比喻(CY)， 話CY連任特首有利有弊， 形容佢認識呢個「魔鬼」，但唔知換咗另一人做特首，又會唔會更壞、更差。 唐唐喺訪問中提到，梁班子過去3年喺一啲民生經濟工作上方向正確，但批評社會上未做到團結一致、未做到和諧社會，認為現屆政府做唔到政通人和係特首嘅責任，「就咁睇表面，佢係好鬥」。 唐唐：政不通人不和歸咎特首 另外，港大學生會會長馮敬恩早前爆料，泄露校委會開會內容而惹起爭議，而3年前曾經喺特首選舉論壇，爆梁振英喺開行會發言內容嘅唐唐，就話每個人都會為自己做嘅決定負責，話如果年輕人無理想、無熱情，就枉作年輕人。 「年輕人無理想就枉過」 對於導演王晶事後呼籲僱主「永別」聘請馮敬恩，唐英年喺訪問裏面話，「香港僱主有咁homogeneous(一致)就好啦，有咁聽話咩？」
|
| |
| |
