【明報專訊】政制及內地事務局陳岳鵬(Ronald)早排以33歲之齡成為歷來最年輕副局長，但做唔夠兩星期，佢又「升職」，因為政府公布，局長譚志源會喺10月11日(星期日)率領港府代表團訪問北京同西安，10月16日(星期五)返香港，呢段時間Ronald會「再上一層樓」，做署理局長，亦係歷來最年輕嘅署理局長。 Ronald雖然可以過一陣局長癮，但原來問責官員署任上級職位係無人工加，但Ronald都算好彩，因為下星期三立法會應該無議員提問關政制局事，所以佢應該唔使上立法會畀議員遭質！ 港府就公布，應外交部邀請，譚志源會率領特區政府代表團訪內地，喺在北京期間，代表團會與外交部、國家發展和改革委員會、商務部和文化部嘅官員會面，了解國家「一帶一路」規劃和最新發展。代表團亦會同國務院港澳事務辦公室、國務院台灣事務辦公室禮節性會面。
|
| |
| |
