【明報專訊】浸會大學校長錢大康噚日履新，被問到任內會唔會做人大代表或政協委員時，佢話自己無政黨背景，過去20年出任嘅公職全部同學術、科研或教育有關，講明任內唔會加入非以上範疇嘅工作。佢又話學術自由及院校自主係大學核心價值，當然要維護，若任何人要擾亂呢兩個核心價值，佢會有好大意見。 履新浸大校長 有聲音要求檢討特首出任校監，佢話會等社會及高教界討論後再作打算，但參考外國大學，好少有州長或市長做校監㗎。 前校長陳新滋曾經唔肯向撐黃傘學生頒發畢業證書，錢大康就話絕對歡迎學生喺任何地方以任何方式表達意見，但唔可以影響他人，如舉黃傘、藍傘定彩色傘都好，都唔可以遮住後面觀禮嘅家長。佢噚日見咗幾百個教職員，夜晚參加學生活動。佢話考慮每年同學生搞3、4次大食會，每次揀一個議題，請埋相關副校長、院長等，同學生交流吓。
|
| |
| |
;){kind=small}
