屈穎妍：佔中引咗精神有病嘅人出來

反佔中書《香港：傘裏傘外博弈》多名作者潘麗瓊（左起）、屈穎妍、阮紀宏等，噚日一齊出席書展講座，同讀者交流對佔中睇法。（蘇智鑫攝）

【明報專訊】今年書展，有一本探討去年佔領運動嘅反佔中書《香港：傘裏傘外博弈》，噚日有幾個作者一齊出席講座同讀者交流意見，包括多次撰文支持港府同警隊嘅專欄作家屈穎妍。屈穎妍分享佢對警隊同時下教育嘅看法，佢喺開場白時講，好多人都提出佔中打開咗「潘朵拉的盒子」，「把我哋所有人心中潛藏嘅罪惡感引發出來」，亦「引咗好多精神有病嘅人出來」，「人之初性本惡，點解有善係因為有法律，有法律，好似紅綠燈咁，你知有警察在旁，你係唔敢行」。

指人性本惡 有善因有法律

屈穎妍嘅文章一直具爭議，曾遭人網上恐嚇要「滅門」。佢話一直都有人話佢好勇敢，但佢自言只係一個「女人仔」，只係寫一啲公道、常識嘅話，希望大家反思。屈穎妍強調自己唔係盲目撐警，「警察做錯事我有寫、有指出」，仲話警方高層應該檢視「服務式管理」嘅理念，要改為「執法式」管理。

今年書展有多本佔中同反佔中書出售，明報出版社攤位嘅負責人蘇先生話，《香港：傘裏傘外博弈》大約賣出三四百本。亦有參展商今年以佔中書為主打，「有種文化」總編輯張振邦話，有六成出售嘅書都係佔中書，反應唔錯，其中一本《Witness—我們的價值》攝影集，準備咗1500本喺書展出售，估計今日就會賣晒。

更多港聞

林輝群組「被偷」兩個鐘內奪回

【明報專訊】網絡世界，大家一樣要小心「財物」安全！早年社運中人、現多撰寫旅遊文章嘅林輝，噚日喺facebook貼文話，佢分享旅遊資訊嘅fac... 詳情

6校激辯世局 展外交知識

【明報專訊】第九屆香港盃外交知識競賽總決賽於7月11日在聖言中學舉行，以「紀念二戰勝利 珍視世界和平」為主題，參賽隊伍包括保良局董玉娣... 詳情

第九屆香港盃外交知識競賽總決賽得獎名單

【明報專訊】**蟬聯金獎 保良局董玉娣中學 再次奪金的保良局董玉娣中學團隊表示，他們在質詢環節代表聯合國，難度在於設定立場，要保... 詳情