譚志源忽然變金句王
「見面本身係一個意義」
[2015.06.04] 發表
【明報專訊】政府今日開始陸續約民主派議員傾政改，泛民講到明對會面無期望，但政制及內地事務局長譚志源噚日被問見面係咪無意義時，佢就話「見面本身係一個意義」，又話任何從政嘅人，都唔會喺未有決定時話無嘢可以傾，仲話從政嘅人本身花最多時間，就係同好多人去傾，所以話傾談無咩意義唔係一個從政嘅人嘅工作重點。
為咗扭盡六壬拉票，譚局長噚日拉票嘅金句仲包括，「?家到兩星期(表決)後，仲有兩個星期時間」，睇落真係好玄，好似時間會自動「生長」。不過，政府新聞處噚日出稿記錄譚局長同傳媒對答，呢句金句就消失咗，仲將佢原話濃縮成「我想現在(距離表決)尚有兩星期，我們會盡一切的努力」，真係嘥晒局長嘅心思！
更多港聞
【明報專訊】經民聯梁美芬早前提出私人條例草案，修訂《消防安全（建築物）條例》，賦予消防處長酌情權，因應安全和緊急考慮，協助舊樓提升消防系統，...
詳情
相關新聞
