工黨六四賣「腰骨要直」摺櫈
[2015.06.04] 發表
【明報專訊】每年支聯會六四晚會，都有唔少政團喺外圍擺檔售賣唔同物品同籌款，工黨議員何秀蘭噚日就大賣廣告，話工黨今年整咗兩款分別寫有「勿忘初衷」同「腰骨要直」嘅摺櫈(上圖)，喺今晚維園外有售，每張賣60元。大家有興趣嘅話入場前不妨買番張，晚會時就唔使坐地下，又話收好摺櫈之後，可以留到本月中政改表決前嘅「滾動集會」再拎出嚟用。
另外，工黨整咗兩款襟章(下圖)，包括手持黃傘嘅第一代民主女神像，同埋黑色持火炬嘅第二代民主女神像，每個售價20元，似乎摺櫈性價比高啲，不過摺櫈限量400張，有買趁手。
更多港聞
【明報專訊】教育學院特殊教育與輔導學系助理教授郭勤早前發表報告，披露性小眾中學生在校園遭歧視的個案，又引述調查指65%準教師對性小眾有中度以...
詳情
相關新聞
