【明報專訊】一班早前去咗德國訪問嘅立法會議員，早前回請德國駐港總領事蘭布斯多夫(Nikolaus Graf Lambsdorff)食雲吞麵，有份食麵嘅會計界議員梁繼昌(Kenneth)噚日就喺facebook話，江湖傳聞一餐飯竟然引起「外交風波」，驚動到外交部駐港特派員公署。 重申否決政改 叫外國勢力彈開 Kenneth話，江湖傳聞外交部駐港特派專員公署副專員喺雲吞麵照片出街後，要求同蘭布斯多夫面談，「總領事初初愛理不理，因規格不適，於禮不合」，最後要出動特派專員親自邀請，席間仲多番提醒對方不要干涉特區政改云云。 Kenneth話，其實當日各黨派議員喺眾目睽睽下吃雲吞麵，除咗講香港美食、風土人情之外，都唔慌有咩好講。佢重申政改會投反對票，係「基於原則、良心的自由意志選擇」，話外國勢力請「彈開」。 Emily噚日想問呢個傳聞有幾堅，不過Kenneth就無再多講。
|
| |
| |
