立會等之鋒 記者被請走
找尋「雙學在哪」答案

學民召集人黃之鋒前晚喺金鐘發生衝突前簽到入立法會，之後上咗10樓，嗰度係社民連梁國雄嘅議員辦事處。（張煒明攝）

【明報專訊】「雙學」前晚發起包圍政總行動，但好多人都不禁問，雙學核心成員點解唔喺前線。Emily見到學民思潮黃之鋒前晚喺衝擊政總前，近8點入咗立法會，當時問佢有乜嘢計劃，佢一概唔回應，Emily見佢用訪客身分簽到去10樓，於是上10樓搵佢。由於Emily嘅記者證入唔到10樓嘅議員辦公室，只好喺外面?口觀察，但無幾耐，社民連副主席黃浩銘(村長)就同3個立法會保安上嚟，「請走」記者。

Emily前晚見到之鋒同另一個男仔坐喺10樓議辦走廊地下用手提電腦，之後見到佢哋入咗一間房開會，然後仲見好多人入去，包括梁國雄議員助理黃永志等。

「村長」籲記者落番大台

唔知係咪裏面啲人見到Emily，無幾耐，本身係梁國雄助理嘅「村長」，突然同3個立法會保安一齊上到嚟，問Emily喺度做乜，Emily好老實咁話想睇吓之鋒有乜行動，村長就話喺度等無用，勸Emily落番金鐘大台等。

不過，之鋒其後都肯現身，Emily於是問佢係唔係因為「孭保」(有案件擔保在身)，所以留喺立法會指揮大局避免被拉，之鋒都係無正面回應，之後就喺村長陪同下返咗入去。剩低3個保安員，就話因為Emily無預約「黃先生」，要請Emily離開立法會。Emily噚日搵唔到「雙黃」回應請走事件。

Emily有責任為讀者搵出「雙學去咗邊」嘅答案，况且嗰度係電梯大堂，又唔係「購物」阻住任何人，如果咁都要趕走記者，唔通要喺立法會?口宵禁？

更多港聞

田少變榮譽主席 方剛做黨魁

【明報專訊】自由黨田北俊因叫特首梁振英考慮辭職，搞到失去全國政協職銜，又辭埋黨魁一職，自由黨噚日選出新任領導層，田少轉做榮譽主席，由方剛當黨... 詳情

血庫告急 O型A型請捐血

【明報專訊】天氣轉冷，天文台預料周四氣溫得12℃，紅十字會血庫都告急！紅十字會輸血服務中心噚日緊急呼籲，目前O型同A型血庫分別只夠4日用，加... 詳情

now有線亞視新聞評分齊升

【明報專訊】佔領運動逾兩個月以來，傳媒走在最前線，令市民掌握最新事態發展，港大民意研究計劃噚日公布2014年第三階段電視節目欣賞指數，發現4... 詳情

劉遵義獲榮譽博士 中大學生會反對

【明報專訊】中文大學將喺星期四向7名社會知名人士頒授榮譽博士學位，包括中大前校長劉遵義，讚揚劉為大學作出多項貢獻，包括制訂10年策略發展計劃... 詳情

劉夢熊：對話總比對抗好

【明報專訊】人稱「Dream bear」嘅前全國政協委員劉夢熊噚日現身高院，出席佢涉嫌同東方明珠主席黃煜坤等人串謀詐騙同洗黑錢案嘅預審。由於... 詳情