【明報專訊】聯合國兒童基金香港委員會(UNICEF HK)噚日喺香港迪士尼樂園搞第9屆「聯合國兒童基金會慈善跑2014」，今年主題係「攜手為兒童．攜手抗愛滋」，有成15,000人參加。Emily見到活動咁有意義都有特別留意，不過見到啲相嘅時候，就發現大會件衫有大大個藍絲帶，唔通UNICEF係想表達支持新聞自由，抑或係反佔中撐警察嘅粉絲？ UNICEF發言人就同Emily講，佢哋因為節省成本，所以印製衣服時用單色，而機構主色係藍色，所以先變成藍絲帶，強調UNICEF唔係政治團體，無政治立場。 活動標誌絲帶半藍半紅 Emily特登上網睇番2005年起UNICEF呢個活動嘅相，大會一直以嚟都係以一半藍色、一半紅色嘅絲帶做標誌，藍色代表UNICEF機構本身嘅主色，紅色就代表愛滋病嘅顏色。Emily望真啲相片，今次UNICEF嘅慈善跑活動，喺其他宣傳品同大會個台都係用藍、紅兩色嘅絲帶，但只係大會畀跑手件衫，係用單色印製，變成藍絲帶，但相信參加者都係一心跑步做善事，唔會有太多聯想嘅。
|
| |
| |
;){kind=small}
