【明報專訊】噚日凌晨突然有人衝擊立法會，仲用鐵馬、渠蓋等打爛立法會玻璃，泛民及建制同聲譴責，建制派大大聲批評「和平佔中」說法已經徹底破產，建制派嘅獨立議員馬逢國更舉例話，佔領堵塞立法會出入口，令垃圾車進入唔到立法會清理垃圾喎。 馬逢國話，唔少佔領者喺立法會生活過夜，令立法會每層都有嘅垃圾槽幾日已填滿，但清潔工人無法處理，只能將垃圾槽密封。 民建聯鍾樹根就話，衝擊係佔領「文攻武鬥」嘅策略之一，話相信佔領者覺得?家運動去到低潮，所以要做啲嘢去谷高佢，佢仲話如果今次佔領成功，泛民肯定會跳出嚟話成功，唔係?家咁劃清界線喎。 蔣麗芸籲政黨齊落去勸人走 民建聯蔣麗芸亦唔執輸，話係議員、政黨、學者鼓勵班人衝擊，話衝擊者「血氣方剛」，會做啲超越自己嘅行為，佢呼籲負責任政黨一齊落去勸佔領者離開，但就無點名要求邊個做，唔知佢自己會唔會身先士卒，去佔領區勸人走呢？
|
| |
| |
