理大大樓被改名「C煙」
中學掛「我要真普選」直幡

紅磡理工大學C教學樓被惡搞成「李C煙」。（蔡方山攝）

學英文，D for？有學生就將理大D號樓加工變成Democracy（民主）。（蔡方山攝）

中華基督教會銘基書院噚日有學生喺走廊掛出「我要真普選」直幡。（學民facebook圖片）

【明報專訊】本港各大專院校教學樓嘅「冠名權」一向值錢，但理工大學兩座教學大樓，噚日竟然一夜間「被改名」，其中C座教學大樓變咗叫「李C煙」，冇幾遠嘅D座就變成「Democracy」。相片噚日凌晨喺網上瘋傳，引起網友熱論，有人大讚做法「有創意，我鍾意」；亦有人唱反調，認為爭取「真普選」唔應該搞學校建築物，况且貼字都要貼得有意義，現時效果恐怕適得其反。

Emily收到消息後噚日凌晨趕去理大了解，見到校內掛滿爭取真普選嘅宣傳單張同橫額，證實除咗C座同D座「被改名」，其他教學大樓未有變身。Emily見到有關字體大約離地4至5米，相信係預先剪裁再貼上，未有破壞牆壁結構。

理大保安昨將字移除

理工大學發言人話，學校保安員巡邏時，發現C同D座標誌隔籬畀人貼咗字，校方認為咁樣做唔恰當，噚日朝早8點半將字移除。目前冇發現其他大樓有類似情况。

自從上周四獅子山山頭出現「我要真普選」巨型直幡後，多間大專近日都有相同字眼嘅黃色banner，呢種風氣並蔓延到中學，噚日大角嘴中華基督教會銘基書院有學生喺走廊掛上成層樓咁高、寫住「我要真普選」嘅黃色直幡，據講好快已拆除，而銘基書院可能成為全港首間掛真普選直幡嘅中學。

更多港聞

佔領者用Google地圖 葉劉：部署精密

【明報專訊】立法會主席曾鈺成前日接受傳媒訪問時話睇唔到有外國勢力介入佔中，行會成員、新民黨主席葉劉淑儀，噚日喺立法會討論應否以特權法查佔中時... 詳情

黃之鋒爸爸：唔擔心個仔

【明報專訊】學民思潮召集人黃之鋒成為雨傘運動焦點人物，Emily噚日喺一個記者會上遇到之鋒爸爸黃偉明（Roger），佢同Emily講一直唔擔... 詳情

紅會表謝意 捐血送自助餐優惠券

【明報專訊】捐血有得送自助餐優惠券！香港紅十字會輸血服務中心發言人噚日公布，踏入11月臨近感恩節，為咗向捐血者表示謝意，凡喺11月1日至30... 詳情

接黨魁大熱 方剛鍾國斌禮讓

【明報專訊】自由黨田北俊前日辭任黨魁，黨魁一職由誰頂上未有定案，據知佢哋一至兩個月內會補選黨魁。不過，唔少政界中人都話，有可能接任嘅人離唔開... 詳情

尤曾家麗落佔區「大開眼界」

【明報專訊】曾任衛生福利及食物局及民政事務局常任秘書長、現任職業訓練局執行幹事嘅尤曾家麗噚日同傳媒午宴，被問到點睇佔中時，尤太話佔領運動初期... 詳情