【明報專訊】唔少政黨第二梯隊喺港台節目《城市論壇》做台下嘉賓，除咗爭取為個黨表述立場外，亦都希望鍛煉一下自己，增加知名度，為日後選舉做準備。本身係自由黨成員嘅教育局前政治助理楊哲安(Jeremy)，噚日就以自由黨南區支部主席嘅身分，喺城市論壇表達反佔中意見，佢呼籲佔中者無論爭取嘅有幾好，都需要停止非法活動喎。

Jeremy同太太張新悅有3個女，最細嘅只係出世20幾日，何解佢唔陪吓家人，都要出嚟發表意見呢？Jeremy話佔中對佢影響好大，自己喺中環返工，無論乜嘢鐘數出門口，交通情况日日新鮮，令佢好難預算。

指佔中令交通日日新鮮

佢話現時嘅工作係要幫大型公司請人，但佔中令佢哋連會都開唔到。

Jeremy話自己?家工作穩定，可以放多啲時間參與社會，Emily問佢係咪有意參選明年區議會選舉，佢就答話「選舉太遙遠喇，聽日點返工都唔知」，但家住薄扶林嘅佢，都承認自己有喺社區工作。