Madam警帽扣錯回歸前警徽
[2014.10.18] 發表
【明報專訊】警方噚日凌晨五點幾喺旺角佔領區突然採取行動清障礙，高級警司關翠貞事前向傳媒講解行動，但出現「蝦碌」場面，Emily留意到Madam嘅警帽竟然扣上回歸前嘅皇冠警徽(圖1)。不過，佢事隔4個鐘再出嚟見記者總結旺角行動時，警帽已用番回歸後嘅洋紫荊警徽(圖2)。
有記者問Madam，點解較早時間扣咗皇冠警徽，佢尷尬笑一笑，話欣賞記者嘅觀察力，承認係個人疏忽搞錯咗，覺得唔好意思，強調同警隊形象無關。
Emily問警務督察協會主席敖志恒，佢話回歸後警員唔使歸還皇冠警徽，「當係畀警員一個紀念」，可能Madam關一時「匆忙」搞錯，「但純屬少少失誤，唔係大件事」。據了解，以Madam關嘅職級，喺警局多數著便裝，已經好少著軍裝。
更多港聞
【明報專訊】佔中事件爆發後，中文大學校長沈祖堯好擔心參加佔中集會嘅學生人身安全，有晚清場風聲吹得好勁，沈祖堯搵埋港大校長馬斐森，兩個人汗流浹...
詳情
相關新聞
