中大《只有三個餐》熱播
職員叫放心﹕好多嘢食

中大新傳政改關注組早前喺校園餐廳做測試，假設只有3個基本上一樣嘅餐供選擇時，唔同人會有咩反應，以諷刺人大嘅政改框架。（網上圖片）

喺MEDCAN做咗19年嘅收銀員Amy姐（中）喺短片有出鏡，仲多次叫同學睇真啲餐牌。佢話學生只係趁周六借少少時間拍攝，無妨礙做生意嘅！（葉家豪攝）

【明報專訊】政府早前推出政改宣傳片，強調「有票梗係要」，中大新聞傳播系政改關注組就製作短片《如果MEDCAN只有三個餐》惡搞，扮職員貼出告示，指食材短缺，餐牌只得3個套餐，價錢由18.5至22.5元不等，但細心睇餐單，會發現除咗個名唔同，3個餐嘅材料一樣，都只係得奄列、雞扒、多士同沙律。

諷政改 餐名唔同材料一樣

面對咁嘅安排，同學被偷拍嘅反應都好唔同，有人睇完淨係識得笑，有人不滿到講粗口，亦有人話「即係咩嘢意思？即係冇得食啦！」。關注組希望，最終能夠表達出人大政改框架下「假普選」，令港人冇真正選擇，仲話canteen可以有好多間，但香港只得一個，市民應該努力爭取真普選。短片至噚晚已有近10萬人喺YouTube睇過。

MEDCAN平時好多人客，咁樣玩有冇影響做生意呢？Emily問過有份客串、喺呢間餐廳做咗19年嘅收銀員Amy姐，佢話同學仔係趁星期六朝早無咩人嘅時候先借嚟影一影，無影響生意，仲話有同學同佢講，若果餐廳好似特首選舉咁「冇得揀」就好弊。佢大派定心丸，話canteen向來有好多嘢食，唔使擔心。

Amy姐未有時間睇條片，但得知有近10萬人睇過，話多謝大家支持，佢都係想幫同學啫。

更多港聞

阿人：佔中隊文件屬假

【明報專訊】近期facebook用戶「John Brothers」喺網上分批流出聲稱真普聯會議紀錄，噚日佢就披露一份聲稱「支聯會佔中隊第一次... 詳情

田二少以鞋喻政改 稱與習近平一樣

【明報專訊】國家主席習近平前日接見本港富豪時，講香港搞普選要符合國情及港情，話「鞋子合不合腳，自己穿著才知道」。新民黨副主席田北辰話，佢哋上... 詳情

罷課充電區一次叉18手機

【明報專訊】罷課集會噚日移師添馬公園，Emily發現有個位有好多人排隊，咩嘢咁受歡迎？原來罷課集會整咗個手機充電區，?家唔少人鍾意不停Wh... 詳情

港男挑戰「追港鐵」失敗

【明報專訊】之前有個英國男人喺倫敦狂奔挑戰地鐵車速，香港版噚日終於出現，片段中男主角由旺角港鐵站落車，一路狂奔去太子站，打算上番同一班列車，... 詳情

6年讀百古文 中文科跑出

【明報專訊】有「死亡之卷」之稱的文憑試中文科過去3年平均只有五成學生及格，本報訪問多間中文科及格率逾九成的中學，發現不少學校早於初中階段已教... 詳情