宗教學者論政改 「港如死後世界」
[2014.09.15] 發表
【明報專訊】每逢講民主、政改，好多時都會由人權或政治角度出發，Emily噚日出席大專學者嘅「對話之路雖盡，民主之心不死」記者會，就有學者談「死亡」同「死後世界」。中大崇基學院神學院副教授龔立人話，8月31號人大常委公布政改框架後，香港民主「好似死咗」，大家?家就喺一個「死後世界」中。但隨着學界發起罷課，以至將會發生嘅公民抗命行動，令到民主依然活着。
龔立人話不論有無信仰，好多人都會討論死後嘅人生，所以就同大家講吓「死後世界」，Emily都係第一次聽到以宗教角度談政改，感覺幾新鮮。另外，學聯強調「罷課不罷學」，罷課期間邀請多名大專學者為學生上「公民講堂」，從政治、宗教、人權同藝術等角度講解香港民主發展，相信到時同學可以從多方面了解政改。
更多港聞
【明報專訊】北京呢個月好熱鬧，大大小小嘅香港團體會訪京，建制派兩團體工聯會同埋新民黨噚日仲同日出發。佢哋除咗拜訪相關部委及上國情班，重頭戲梗...
詳情
【明報專訊】新地前主席郭炳湘於2012年已成立獎學金，資助港生或內地生到牛津大學攻讀公共政策碩士課程。2009年因其有關六四的言論、成為首個...
詳情
相關新聞
