民記升呢「民主建國聯盟」
帶反佔中簽名表格訪美

民建聯主席譚耀宗（左四）、副主席李慧琼（右四）等黨員訪美，當地華僑歡迎，但背後嘅橫額就蝦碌，「民主建港聯盟」變成「民主建『國』聯盟」，相片被瘋傳。

民政局政助徐英偉喺fb上載簽名反佔中嘅相。

【明報專訊】民建聯(民主建港聯盟)主席譚耀宗最近率領黨友去美國，同華僑交流，當地傳媒亦有報道，原來民建聯一行人除咗去講吓香港狀况、介紹民建聯之外，仲帶埋「反佔中」簽名表格畀當地華人簽名，相信以咁嘅規模，最終簽名反佔中嘅人數有100萬都唔出奇。不過，當地接待團體似乎唔係太認識民建聯喇，佢哋掛嘅橫額，上面大大隻字寫住歡迎「民主建國聯盟」，「建港聯盟」頓時升呢變「建國聯盟」！

民政局政助 簽名反佔中

譚耀宗等民建聯成員去咗三藩市訪問，雖然banner寫錯名，但譚耀宗等人唔介意，仲喺banner下面一齊合照，唔少網民都笑言，民建聯原來要建國，唔通佢哋要搞港獨？

民建聯去到美國都反佔中，帶晒表格畀人簽名，但早前反佔中大聯盟講明，要有工作人員蓋印，確保核對晒身分證先至計數，唔知呢類表格又計唔計喇。

本身係民建聯成員嘅民政事務局政治助理徐英偉，就緊跟黨立場，日前喺灣仔簽名支持反佔中，仲喺facebook上載相片，佢話係以個人名義簽，政府內部並無動員，但佢都好認同呢件事，所以去簽名。據知，政府內部有同問責官員講，佢地可以去簽名反佔中，但簽唔簽由問責官員自己決定。

更多港聞

港大前校長戴義安英國逝世

【明報專訊】香港大學校長馬斐森噚日向港大教職員、學生同校友發電郵「宣布一個令人傷感嘅消息」，就係港大第13任校長戴義安（Ian Davies... 詳情

「唔鍾意鬧人」卿姐：我溫柔到爆

【明報專訊】民主黨主席劉慧卿出名「聲大夾惡」，佢接受商台節目主持人陳志雲錄影訪問，陳志雲就話每次見到卿姐講嘢都青筋暴現；身穿紅裙嘅卿姐就玩溫... 詳情

孔令成扮鬼扮馬有底線

【明報專訊】海洋公園今個月換咗主席，接替盛智文嘅孔令成（Leo，左）為人低調，盛智文一向鍾意扮鬼扮馬，新主席嘅底線可以去到幾盡呢？佢笑住話佢... 詳情

泛民沙田議員動議 擁護毛思想

【明報專訊】沙田區議會噚日有建制派提出「支持維護一國兩制，依法落實雙普選」動議，新民主同盟邱文俊（箭嘴示）為咗抗衡就提修訂，話區議會高舉偉大... 詳情

錯怪掟?林鄭向范國威道歉

【明報專訊】泛民激進派喺議會內掟嘢後，政務司長林鄭月娥都會去信立法會譴責事件，點名批評相關議員，好似今個月初特首答問大會，20幾名泛民集體抗... 詳情