泛民沙田議員動議 擁護毛思想
[2014.07.25] 發表
【明報專訊】沙田區議會噚日有建制派提出「支持維護一國兩制，依法落實雙普選」動議，新民主同盟邱文俊(箭嘴示)為咗抗衡就提修訂，話區議會高舉偉大領袖毛澤東思想理論、鄧小平改革開放思想，擁護「一國兩制」等，邱文俊、民主黨麥潤培仲舉起毛鄧嘅海報，表明堅決擁護黨中央。但修訂搞鬼之處，係佢喺擁護一國兩制字句之後加咗一堆文字，包括「反對一切暴力行為及非法活動(如砍伐土沉香、公眾地方便溺、虐殺動物等)，以保香港穩定繁榮。
邱文俊用普通話發言讀出動議內容，佢一路讀都忍唔住笑，搞到會議要休會，建制派要討論點處理，後來新民黨副主席潘國山、民建聯招文亮就分別話一國兩制提毛澤東唔恰當，結果喺建制派反對下否決咗擁護毛澤東思想。
更多港聞
【明報專訊】泛民激進派喺議會內掟嘢後，政務司長林鄭月娥都會去信立法會譴責事件，點名批評相關議員，好似今個月初特首答問大會，20幾名泛民集體抗...
詳情
相關新聞
