【明報專訊】衛生服務界立法會議員李國麟噚日以「稀客」身分到西環中聯辦，與中聯辦主任張曉明談政改，搶咗唔少鏡，但其實中聯辦噚日熱鬧到簡直可以媲美政府總部，「星光熠熠」。好似「獎門人」曾志偉中午時分突然現身中聯辦，嚇親唔少記者；多名經民聯核心成員就獲邀到中聯辦同張曉明食午飯，仲由協調部長沈沖送到出門口。 另外，Emily仲見到鳳凰衛視總裁、政協常委劉長樂，恒生銀行傳訊及企業可持續發展總監張樹槐，全國政協委員黃英豪等出入中聯辦，真係政商法律界都有。 邱德根子駕車直入地庫 唔能夠唔提嘅就係遠東發展(0035)主席兼行政總裁邱達昌，邱達昌爸爸邱德根早年係唯一喺亞視身上賺過錢嘅人，Emily噚日見到邱達昌座駕能直駛中聯辦地庫，反而上述所有「貴賓」，噚日去到中聯辦都係喺門口落車咋！ 經民聯否認與曾同見張曉明 經民聯副主席林健鋒同Emily講，除咗石禮謙要開董事會外，另外6個議員都有去中聯辦，今次會面係張曉明相約，中聯辦不時都會同佢哋見面，但強調佢哋唔係同曾志偉一齊見張曉明，又話都係食簡單嘢，只係記得食咗蘿蔔絲同豆腐絲喎！
|
| |
| |
;){kind=small}
