【明報專訊】究竟真普聯仲有無存在價值？真普聯召集人鄭宇碩噚日開完會就話，開會無傾過呢樣嘢，因為佢哋一致認為唔需要討論，而真普聯仲會喺下星期五舉行籌款晚會𠻹。不過，籌款晚會都未搞，分歧又出現，人民力量就話佢哋會杯葛籌款晚會。 人力杯葛 立會議員要磅水9500 真普聯點解仲要籌款？鄭宇碩就話，咁真普聯仲要做民調嘛，需知道，佢哋提出嘅「三軌方案」較其他方案優勝，就係有民調支持。鄭教授話做民調始終要錢，所以嚟緊要搞籌款晚宴，聯盟內各立法會議員人人要先磅水9500元。 人民力量劉嘉鴻就話人力會杯葛籌款晚會，理由係因為對公民黨湯家驊「脫軌」自提方案嘅不滿喎。不過，人力自己都有提出政改方案，仲入圍佔中投票，咁唔知點計呢？
|
| |
| |
