【明報專訊】泛民噚日結束16日嘅絕食爭取普選行動，約40個泛民成員同支持者去中環匯豐銀行外支持。為咗向社會展示佢哋「雞蛋抗高牆，絕食為普選」信息，佢哋準備咗40幾隻熟雞蛋掟向紙製「高牆」。絕食行動發起人、工黨李卓人自言感愧疚，所以捱義氣冒住會「中蛋」嘅風險，企喺「牆」後面扶住。在場人士果然無面畀，個個都狠狠地掟蛋，紙製「高牆」隨即穿咗幾個大洞，人哥就愈縮愈低避免「中蛋」。 尹兆堅收花甜笑 李卓人話，為咗表示對民主黨尹兆堅、胡志偉同工黨郭紹傑嘅支持，佢太太煮咗粥水畀三子食。尹兆堅一對仔女亦到場送花畀絕食嘅爸爸同兩個叔叔，尹兆堅收花後笑得好甜，仲話終於可以返屋企同仔女食飯。不過佢就無好氣咁講一對仔女食住雪糕去探佢，仲問「爸爸食唔食？」
|
| |
| |
;){kind=small}
