【明報專訊】泛民絕食爭普選今日踏入第13日，工黨林祖明(左二)絕食264小時後，噚日因身體狀况不斷惡化退出。餘下絕食三子胡志偉(左一)、尹兆堅(右一)及郭紹傑(右二)打算繼續絕食至周日，直至泛民議員喺上海見完中央官員，畀中央睇到佢哋爭取普選決心。

林祖明感觸退出

林祖明退出時非常感觸咁話，希望泛民團結一致，亦希望絕食行動為香港民主運動注入新力量，佢仲特別感謝幫手搞絕食行動嘅義工同醫護團隊，而醫護團隊當中，原來仲有醫學界議員梁家騮，唔通絕食行動連梁家騮都團結埋？

梁家騮噚日同Emily講，工黨李卓人之前問佢可唔可以幫手為絕食者檢查身體，不過唔係免費，因為負責驗血嘅化驗所都要做生意收錢。林祖明噚日同繼續絕食嘅戰友話別時就感觸良多。

(李紹昌攝)