【明報專訊】自從冬奧隊醫事件後，外界較關注港協暨奧委會�儮B作情�G。港協副秘書長王敏超接受有線新聞訪問時透露，原來港協會長霍震霆兩年前當選會長一職時，係由會員「拍手掌」投票通過。Emily噚日問港協，究竟拍手投票有無違反會章等，港協回應話，以前投票並無明文規定要不記名投票，但日後投票就一定要不記名，候選人亦須取得過半數選票才可當選。

王敏超：當霍震霆全票當選

王敏超接受有線訪問，被問到點樣拍手投票呢，係計掌聲多定係計幾多人拍手呢？佢話方法好簡單，會員同意就拍手，然後問有無人棄權或反對，毋須逐個舉手。至於有幾多人贊成、反對或棄權，佢話「當時數唔到幾多個人……但我會當他是全票當選」。

王敏超仲話，原來數年前其中一次會議上，官方宣布霍家大公子霍啟剛加入港協做副秘書長，當時亦有人建議以拍手投票通過任命。霍震霆方面，至截稿前未回覆Emily�麍d詢。

有線同時�鶶纗D中話，霍啟剛當選時只曾任一屆體操總會會長，不符合港協要求擔任屬會幹事兩屆�麰n求。港協回覆有線稱對此「無從置評」，又話會長任期只係要求之一。