【明報專訊】民主黨立法會議員何俊仁上星期三�鰤]政司長宣讀預算案時，掃閱女模水著照，畀傳媒影到斷正，民主黨紀律委員會迅速成立��3人小組主動調查，一致裁定何俊仁違反黨紀，包括無適當履行議會職責，以及「嚴重損害民主黨聲譽」！何俊仁將被黨員內部公開譴責，同時要�鬘誘�31日前捐錢1萬蚊，捐畀爭取婦女權益�儱O善或非牟利組織，成為黨內首宗罰錢個案。

捐爭婦權慈善或非牟利組織

何俊仁去年攜眷參加國泰豪華「收機團」惹利益輸送質疑，上年8月先捐��5萬元畀國際兒童基金會買個「慘痛教訓」平息風波，點知半年後，又要再捐錢。Emily噚日打過畀何俊仁，但佢就無覆電話，只透過民主黨發聲明再次為事件致歉，話自己會虛心接受民主黨紀律委員會裁決、告誡和處分，並深刻反省，而佢亦正聯絡相關團體處理捐款事宜。

何俊仁：虛心接受 深刻反省

咁點解違反黨紀要罰錢？唔通民主黨好等錢使？Emily噚日請教過民主黨秘書長張賢登，原來罰錢並非慣例。張賢登同Emily講，紀委可以作出5項處分，小則內部公開譴責，重則可革除黨籍，但就無明文罰款處分，雖則紀委會可自行決定其他處分，但決定罰捐錢都係第一次。民主黨劉慧卿噚日同傳媒茶敘時就話歡迎紀委會報告，希望黨員第日可以小心�灠捸C