【明報專訊】食材價格愈來愈貴，唔少市民同食肆都盡量善用食材，但點樣善用菜頭菜尾，又不失色香味？地球之友早前請咗12個名廚名人，以及環境局長黃錦星，分享自家廚餘食譜，收錄喺一本新出版嘅《食得唔好嘥》環保煮意食譜，同市民分享善用食材心得。 《食得唔好嘥》 免費下載免費攞 鍾意喺屋企親自下廚嘅黃錦星，首次撰寫食譜就教市民煮一道名為「米嘥嘢」嘅菜式。局長教大家用冷飯、西瓜皮等煮菜，但究竟點煮呢？原來係加啲鹽加啲油咁，炒碟素菜飯，分量就話「隨遇而安」，最緊要唔好嘥。以往成日喺電視露面嘅周中師傅，更聯同前立法會議員陳淑莊，一齊示範點樣將一個柚子「食到盡」，包括要用盡柚子嘅「外衣」(柚皮) 同「內衣」(包裏柚肉半透明膜) 煮菜。 《食得唔好嘥》環保煮意食譜有電子書及手機版本供免費下載，電子書網址為﹕foe.org.hk/recipe；市民亦可由1月15日開始，喺30多個指定地點，包括香港地球之友會址免費取得印刷版。
|
| |
| |
;){kind=small}
;){kind=small}
