【明報專訊】申訴專員黎年噚日去立法會向議員解釋年度工作報告，講到公署幾時會用調解處理市民投訴。黎年話，曾經有一名政府火葬場職員，無向市民解釋清楚火葬程序，結果有市民送完媽媽「最後一程」後，先知道原來火葬前唔一定要由家屬撳掣移走棺木，市民有感覺推�鷟豸H去火化，所以投訴職員無講清楚。黎年解釋，呢類情�G好難話�鶩蚋冪�錯，所以調解對雙方都會好。

市民以為「推�鷟豸H火化」

黎年話，當時公署將投訴人同職員拉埋一齊傾偈，想知道點解投訴人會不滿，後來發現投訴人有呢個感覺，職員就即刻解釋畀呢個市民聽，其實撳完掣後，棺木仲要「排隊」，唔係撳掣�鶢韐瓣黕N即刻火化。當時市民「當堂輕鬆晒」，黎年形容呢個係雙贏局面。

民主黨何俊仁擔心，若官員唔肯認錯，公署會唔會用調解「係咁易」解決？黎年話，若政府有重大錯失，公署唔會用調解解決，絕唔會容許官員以調解「甩身」。