【明報專訊】宣揚惜食、眼闊肚窄嘅「大嘥鬼」今年5月面世至今，佢嘅宣傳歌唱到街知巷聞，「食得晒先至好買！食得晒先至好嗌！」呢幾句歌詞，好多大人細路都識唱，至於大嘥鬼「眼闊肚窄」嘅樣點解同環境局長黃錦星咁似樣呢？Emily同事前排已同大家解構過「大嘥鬼」嘅前世今生，不過，大家又知唔知「大嘥鬼」呢個名點嚟㗎呢？ 諧音「大size」 唔夠得意 政府新聞網訪問咗「大嘥鬼」幕後創作團隊，惜食香港運動督導委員會成員潘啟迪透露，原來開頭「大嘥鬼」叫「大嘥使」，取其「大size」嘅意思，不過佢哋覺得個名唔夠上口，又唔夠得意，所以最後改做「大嘥鬼」，仲貪佢令人諗起以前嘅電影《開心鬼》𠻹！至於嚟緊「大嘥鬼」有乜嘢新動向？聖誕新年又到，佢又會周圍出動，叫大家食大餐之餘唔好浪費。
|
| |
| |
