【明報專訊】郊野公園係咪可以用嚟建屋近來成為熱話，但估唔到香港郊野話題仲擴展至全球——Emily講緊嘅唔係國際都討論郊野公園改變用途，而係我哋保存得好好、橫跨5個郊野公園嘅「港島徑」，啱啱獲最新出版嘅Lonely Planet嘅1000 Ultimate Adventures選為全球最佳城市行山徑第10位，亞洲嚟計仲排第一𠻹！ 唔知大家有冇行過港島徑呢？翻查資料，佢早喺1985年已經啟用，全長50公里，分為8段，橫跨港島5個郊野公園。起點位於山頂爐峰峽，終點石澳大浪灣，行晒全程大約要15個鐘。港島徑沿途風光明媚，獲選為最佳行山徑第10位相當合理，好似行經山頂、布力徑、畢拉山等地方時，可以鳥瞰香港全景；而行經大潭灣東邊一帶，就可以欣賞到迂迴嘅海岸線同水塘。 巴西蒂茹卡公園第一 至於獲Lonely Planet選為最佳行山徑嘅第1至第3位，依次分別係巴西里約熱內盧嘅蒂茹卡國家森林公園、英國倫敦嘅泰晤士河步道，同埋澳洲悉尼大海岸步道。港府官員見到呢個排名唔知會有乜嘢反應呢？
|
| |
| |
;){kind=small}
;){kind=small}
