【Emily】狄志遠波士頓馬拉松完賽
[2025.04.23] 發表
【明報專訊】新思維立法會議員狄志遠近年鍾意長跑，噚日仲報捷，話完成咗跑界盛事嘅波士頓馬拉松，佢形容目標達成，又帶來一段人生經歷。佢拎住完賽嘅獎牌分享感受，話跑道上落斜多，雖然辛苦，但都順利完賽。
狄志遠話跑步係一件好有趣嘅事，跑時身體會產生安多酚，令人開心啲。跑步令佢身心靈健康，仲講笑話，跑開唔跑會腳痕。佢話每次落場跑到30公里(即係約莫四分之三路程)時，都會同自己講呢次應該係最後一次，但結果跑完又會計劃下一次。佢仲話跑步可促進家庭溝通，賽前阿仔叫佢加油，老婆就提佢要小心，而完賽後家人又會送上讚賞，辛苦完之後，一家人又可以趁機食飯慶祝。
更多港聞
【明報專訊】無論係公幹定旅行，港人北上已經好普遍，實政圓桌立法會議員田北辰喺復活節假期前後兩次北上，都投訴體驗麻麻。噚日朝早佢坐高鐵上廣州公...
詳情
【Emily】運物局訪低空經濟試點 睇無人機送外賣
【明報專訊】政府上個月批出38個低空經濟「監管沙盒」試點項目，其中一個以馬鞍山一帶做試點。運輸及物流局與民航處代表噚日朝早去咗沙田區議會介紹... 詳情
相關新聞
