【Emily】何柱國肺癌康復籲戒煙 感謝盧寵茂
[2025.02.18] 發表
【明報專訊】全國政協前常委、商人何柱國噚晚出席商台節目《光明頂》時透露，幾個月前發現患肺癌，諮詢過美國嘅醫生，對方建議佢留港治療，其後佢到養和醫院求醫，𠵱家已康復。「我都勸朋友食少啲煙。我呢世人最唔鍾意一個人叫盧寵茂(醫衛局長)，喂，我係人，食煙仔都係自己，死唔死我有自由，後來諗番起都感謝佢，真係做治療嘅過程，你唔會死，但過程係好辛苦嘅，所以呢，我平衡過，我都係減咗佢唔食，我叫我啲朋友如果食緊煙仔呢，減咗佢，因為(治療)過程好辛苦，死唔去仲辛苦呀！」
何柱國話香港無論公院私院醫療水平都好好，希望特首、財政司要將醫療當產業咁去發展。佢又話港澳辦主任夏寶龍早前見司局長，係要佢哋「破局」，想香港有新經濟發展，但佢就質疑香港官員係咪明白中央諗法。
談DeepSeek講錯Deep V
何柱國又評論時政，提出暫停賣地3年，令市場回復信心。佢又話反對再搞「明日大嶼」，反問政府舉債，「舉得幾多年？」佢話香港無天然資源，唔似美國有資源，舉債都無問題。佢又形容中國國運好好，例如歐美汽車產業發展多年，但中國發展10年內就跑贏；又話有科技「什麼Deep V(DeepSeek)」領先世界，可見中國有嘅係人才。
更多港聞
【Emily】青協調查：44%青年認為政黨能反映民意 比例升 過半感選舉投票有用
【明報專訊】青協青年研究中心噚日發表「青年價值觀指標2023」調查，發現本港青少年「政治效能感」回升，44%受訪者認為政黨能夠反映民意，超過... 詳情
【Emily】迪士尼聘身心障礙者 「伴你同行」明可申請
【明報專訊】香港迪士尼樂園自2007年推行「迪士尼伴你同行計劃」，聘請有身心障礙嘅人工作，聽日會接受新一期申請，有超過50個職位空缺，有興趣... 詳情
【明報專訊】港產大熊貓龍鳳胎「家姐」同「細佬」前日正式亮相，吸引咗超過5000人入場先睹為快，海洋公園主席龐建貽噚日喺電台節目話，前日入場人...
詳情
【Emily】八鄉少訊中心大改造 引入創科訓練
【明報專訊】位於元朗嘅八鄉少年警訊中心G座做緊改善工程，計劃增加約1000平方米訓練空間，並引入創新科技，提升學員體驗同訓練效果，工程預計耗... 詳情
【明報專訊】8間資助大學本學年起取錄非本地生限額放寬。教育局向立法會提交文件顯示，今學年在八大修讀教資會資助課程的非本地生增至26,600萬...
詳情
相關新聞
