【Emily】情人節曬畫冧太太 李家超：感恩有你 湖邊牽手畀人影相畫埋畫

旺角花墟一間花店噚日放滿一紮紮鮮花，仲推出八五折優惠，希望趁情人節吸多啲客。（盧曼盈攝）

特首李家超噚日喺社交平台提到，有次同太太喺湖邊散步，伸手扶太太行草地時畀人影低，仲畫成一幅畫（圖）。（李家超fb）

噚日情人節，唔少人都專程去旺角花墟買花送畀另一半。收完花，梗係要自拍留念。（盧曼盈攝）

【明報專訊】噚日情人節，唔少人都會送花畀另一半表達愛意，街頭巷尾都見到捧住花嘅情侶。特首李家超有無送花畀太太，Emily就唔知道喇，不過佢噚日就喺社交平台發帖，分享同太太Janet嘅一件軼事。個帖貼出一幅畫，畫入面一男一女喺湖邊牽手——事源有次李家超同太太喺湖邊散步，佢伸手扶太太行過唔平嘅草地，其間畀人影低咗，仲畫成呢幅畫。李家超話多謝太太一直以來嘅包容，又話「感恩沿路有你，未來我們繼續攜手前行！」

除咗李家超，保安局長鄧炳強噚日亦喺社交平台大曬同太太嘅合照。張相影住兩個人嘅背面，太太挨住鄧炳強膊頭，帖文寫道「再忙再累，幾多難關，我永遠都會是妳安心的依靠」，又標籤「#陪着妳一生到白頭」兼多謝太太。

食安中心趁熱鬧科普甜味劑

食安中心噚日就發文，趁情人節教市民咩叫甜味劑。帖文提到，甜味劑係用嚟代替糖，為食物或者飲品增加甜味嘅添加劑，甜味雖然比砂糖高幾十倍至幾萬倍，但每次用量少，卡路里都唔高。不過中心提醒市民，為咗健康着想，都係唔好依賴甜味劑，最重要係均衡飲食同適當運動。

更多港聞

【Emily】副廉政專員出席聯國會議 介紹香港國際廉政學院

【明報專訊】副廉政專員兼廉署執行處首長丘樹春最近率團到奧地利維也納嘅「聯合國毒品和犯罪問題辦公室」，出席一連兩日嘅全球反腐敗執法機構業務網絡... 詳情

【Emily】獻計滅赤 陳仲尼一拳滅尺

【明報專訊】民建聯立法會議員陳仲尼噚日中午喺金鐘向市民派朱古力金幣，佢話政府多次提及財赤，已對營商信心產生負面影響，又話財政司長陳茂波提過要... 詳情

【Emily】明年人口普查 只抽一成填長問卷

【明報專訊】政府噚日宣布，2026年1月1日至12月31日會做人口普查。呢次人口普查有新措施，只會抽大約一成人口做「長問卷」，其餘九成人唔使... 詳情

【Emily】積金局新春聚會 眾「前輩」捧場

【明報專訊】積金局噚日舉行「積金智友匯」新春聚會，主席劉麥嘉軒（右三）同一眾高層當然在場，仲有一班「前輩」出席，包括首任主席李業廣（右二）、... 詳情